WWF(վայրի բնության միջազգային կազմակերպություն)

WWF-ը սկսել է աշխատել Հայաստանում 2002 թ-ից, իսկ 2006 թ-ի նոյեմբերին Բնության համաշխարհային հիմնադրամի հայաստանյան մասնաճյուղը (WWF-Հայաստան) պաշտոնապես գրանցվել է Հայաստանում՝ հանդիսանալով WWF Կովկասյան ծրագրային գրասենյակի մի մաս:

Գործունեության հիմնական ուղղությունները.

  1. Զարգացնել և հզորացնել Հայաստանի բնության հատուկ պահպանվող տարածքները (ԲՀՊՏ)՝ արգելոցները, ազգային պարկերը, արգելավայրերը և այլն
  2. Պահպանել վտանգված տեսակները
  3. Պահպանել և վերականգնել էկոհամակարգերը
  4. Իրականացնել կլիմայի փոփոխության ազդեցությունը մեղմացնող գործողություններ
  5. Ներդնել տնտեսական մեխանիզմներ տեղական համայնքներում այլընտրանքային կենսամիջոցների ստեղծման նպատակով՝ խթանելով բնական պաշարների կայուն օգտագործումը և պահպանելով կենսաբազմազանությունը
  6. Աջակցել բնապահպանական իրազեկությանը և կրթությանը

WWF-Հայաստանի առաջնահերթ խնդիրներից է վտանգված տեսակների պահպանությունը, որոնց շարքում են կովկասյան ընձառյուծը, հայկական մուֆլոնը, բեզոարյան այծը, գորշ արջը և այլն:

Վերջին տաս տարվա ընթացքում WWF-ը զգալի ջանքեր է ներդրել Կովկասում ընձառյուծի կարգավիճակի գնահատման ուղղությամբ: Շահագրգիռ կողմերի հետ համատեղ WWF-ը մշակել է Ընձառյուծի պահպանության տարածաշրջանային ռազմավարություն և Հայաստանի համար ազգային գործողությունների ծրագիր, որից հետո սկսել է դրա իրականացումը:

ՄԵՆՔ ԿԱՐՈՂ ԵՆՔ! ՀԱՅԱՍՏԱՆՆ ԱՌԱՆՑ ԱՂԲԻ

Հայաստանի լանդշաֆտները մաքուր պահելը շատ մեծ կենսական նշանակություն ունի վայրի բնության ու էկոհամակարգերի պահպանման համար: Ահա թե ինչու WWF Հայաստանը որոշեց մասնակցել 2012 թվականի սեպտեմբերի 15-ին անցկացրած “Մենք կարող ենք!” մաքրման միջոցառմանը: Այն համատեղ մեկ օրյա աշխատանք էր, որը նպատակաուղղված էր մաքրելու և կանխելու հետագա աղբի կուտակումները Հայաստանի մշակութային վայրերում ու բնության հուշարձաններում ու դրանց հարակից տարծքներում: Այն համախմբել և իրականացրել է ամենամեծ Համահայկական կամավորական նախաձեռնությունը “Հայաստանն առանց աղբի” կարգախոսի ներքո: Միջոցառումը, որը կառավարվում էր Հայաստանի “Երիտասարդ Կենսաբանների Ասոցիացիա” հասարակական կազմակերպությունը, միջազգային քարոզարշավի բաղկացուցիչ մի մաս է, որը սկիզբ է առել 2008 թ-ին, Էստոնիայում, և այժմ ծավալում է գործունեությունն ավելի քան 85 երկրներում:

Հույժ կարևոր այս իրադարձությունն իր շուրջը համախմբեց Հայաստանի բազմաթիվ տեղական ու միջազգային հասարակական կազմակերպություններ, պետական հաստատություններ, մասնավոր հատված, համայնքներ, դպրոցներ, Դեսպանատներ և այլ մասնակիցներ երկրի տաբեր շրջաններից, կամավորական խմբերի հետ միասին, ովքեր նույնպես մեծ ներդրում ունեցան հասարակության իրազեկության բարձրացման ու քաղաքացիական կրթության զարգացման գործում: Շուրջ 2,600 հոգի մասնակցեց մաքրման աշխատանքներին ներառյալ 40 կազմակերպություններ իրենց անձնակազմով՝ շուրջ 400 աշխատող:5460452

WWF Հայաստանի աշխատակազմը տեղի դպրոցական աշակերտների հետ միասին ձեռնամուխ եղավ Շիրակի մարզում “Արփի լիճ” ազգային պարկի ու նրա պահպանման գոտու աղբահավաքության աշխատանքին՝ մոտ 5 հարակից գյուղական համայնքների մասնակցությամբ: Միևնույն ժամանակ, Վայոց Ձորի մարզում գտնվող “Գնիշիկ” պլանավորված պահպանվող տարածքում և հարակից վայրերում WWF Հայաստանը “Արփի” պետական պատմամշակութային արգելոցի հետ համատեղ, խրախուսեցին 3 հարևան գյուղական համայնքներին ակտիվ մասնակցություն ցուգաբերել միջոցառմանը: WWF Հայաստանի համակարգմամբ այդ երկու մարզերում շուրջ 140 մասնակիցներ հավաքեցին մոտ 500 պարկ աղբ:

Այդ մեկ օրում սպառողական աղբը հավաքելով ու տեսակավորելով դպրոցներն ու այլ մասնակիցներ սովորեցին աղբի տեսակավորման ու կլիմայի փոփոխության (այսօր աշխարհի համար ամենամեծ խնդիրներից մեկը) միջև սերտ կապի մասին: f5b6ae3d497b13_5b6ae3d497b50.thumb

Բնապհպանական բաց նախագիծ (հաշվետվություն)

28-299x190Ես XI դասարանի սովորող եմ: Մասնակցել եմ էկոլոգիական խմբի նախագծերին: Հայաստանում առավել արդիական խնդիրներից է էկոլոգիայի խնդիրը: Ի՞նչ ելք կարող է լինել: Ելքը փորձել ենք գտնել քնարկումների միջոցով` մասնակցելով տարբեր էկոլոգիական նախագխերի: Նախագծերի ընթացքում հետազոտում, ուսումնասիրում և ծանոթանում ենք Հայաստանի Հանրապետության բնապահպանական խնդիրներին` քննարկում և վերլուծում դրանք: Էկոլոգիայի դասերը անցնում են հետաքրքիր և բովանդակալի: Դիտել ենք ոսումնական ֆիլմեր, լսել ենք տարբեր տեսակետներ և կարծիքներ, գրել ենք մեր սեփական կարծիքը, ինչպես նաև մասնակցել ենք տարբեր քննարկումների: Մասնակցել եմ նաև էկոհայրենագիտական ճանաչողական ճամփորդությունների: Ըստ դասարանի ուսումնասիրած խնդիրների ընտրել ենք ճամփորդության ուղղությունը:

​Ճամփորդություններս հետևյալն են եղել`

1. դեպի Ջերմուկ /մասնակցություն Ամուլսարի ոսկու հանքի դեմ ուղղված ակցիա/

2. դեպի Տավուշ` Նորաշեն

3.դեպի Արատես

4. դեպի Կապսի ձոր /էկո դաս Գյումրու 25 դպրոցում` փորձի փոխանակում, քննարկում մի շարք էկոլոգիական ոլորտի հարցեր (Ամուլսարի հանքարձունաբերության, արդի էկոլոգիական խնդիրների շուրջ)/

Նախագծեր:

1.WWF(վայրի բնության միջազգային կազմակերպություն)

2.Մենք կարող ենք!   Հայաստանն առանց աղբի

3.Սևանա լճի հիմնախնդիրը կարավարության ծրագրում:

Իմ կարծիքով միակ ելքը, որը ես տեսնում եմ այն է, որ խնդիրը լուծելի է ոչ միայն պետական ​​մակարդակով, այլև մեզանից յուրաքանչյուրը պետք է իր ներդրումն ունենա:
Ես ինքս ինձ գնահատում եմ բավարար:

Լրաքաղ

Goal. Հենրիխ Մխիթարյանը՝ Պրեմիեր լիգայի շաբաթվա խորհրդանշական հավաքականում

 

gettyimages_1132599898.thumb-770x510

Պետության տարածքի կառուցվածքը ու հատկանիշները: Իշխանություն և ինքնիշխանություն:

Ժամանակակից պետությունը, որպես քաղաքական համակարգի գլխավոր ինստիտուտ, հասարակաության վրա էական ազդեցություն ունեցող կազմակերպություն, հասարակական, քաղաքական մյուս ինստիտուտներից տարբերվում է 3 հիմնական  հատկանիշներով:


Տարածք: Դա այն տարածքն է, այն վայրը, որտեղ գործառնում է պետությունը, գործում են մարդկանց վարքագիծը սահմանափակող և կարգավորող օրենքները: Ընդ որում պետության տարածքր կարող է մեծ կամ ձոքր լինել, բայց դա նշանակություն չունի:Մեծ ու փոքր տարածք ունեցող բոլոր պետությունները միջազգային հարաբերությունների իրավահավասար սուբյեկտներ են: Իշխանության գլխավոր խնդիրներից մեկը պետության սահմանների, նրա տարածքային ամբողջականության պաշտպանումն է:

Բնակչություն: Բնակչությունը մարդկանց զանազան միավորումների, էթնիկական խմբերի, ազգերի ընդհանրությունն է, որը բնակվում է բոլորի համար ընդհանուր և միասնական պետության տարածքում և ենթարկվում պետական իշխանությանը: Բնակչությունը պետության առաջացման, գոյության անհրաժեշտ, բայց ոչ բավարար տարր է: Այս կամ այն տարածքը կամ նրանում բնակվող մարդկանց բազմությունը պետություն են դառնում միայն այն դեպքում, եթե նրանց միջև հաստատվում է պետական իշխանություն: Մարդկանց այդ բազմության ընդհանուր ենթարկումն իշխանությանը պետության ամբողջականաության կարևոր պայմանն է:

Իշխանություն: Պետություն ստեղծելու և պահպանելու համար տարածքի ու բնակչության հետ միասին պետք է լինի նաև իշխանություն, որը պետության կարևորագույն տարրն է, հատկանիշը: Առանց իշխանության չի կարող լինել պետություն: Պետությունը հրապարակային իշխանության հատուկ կազմակերպություն է, որը հասարակության բոլոր անդամների համար ավելի բաց և թափանցիկ է, քան նրա մնացած մասերը: Պետությունը նաև ինքնիշխան կազմակերպություն է, հասարակության այն մասը, որը տիրապետում է էական, մեծ ինքնիշխանության, քան նրա մյուս բոլոր մասերը: Վերջինս ենթադրում է նաև, որ մյուս պետությունները իրավունք չունեն միջամտելու նրա ներքին ու արտաքին գործերին: Պետությունն իր տարածքի առանձին քաղաքացիների, խմբերի ու կազմակերպությունների նկատմամբ ունի իշխանական լիազորությունների և օրենքով սահմանված հարկադրանքի մենաշնորհ:

Ինքնիշխանություն (ֆրանսերեն souverainete՝ գերագույն իշխանություն, գերակայություն, տիրապետում) պետությանը բնորոշ գերակայությունն է իր տարածքում և անկախությունը միջազգային հարաբերություններում։ Գերակայություն և անկախություն հասկացություններն արտահայտում են ցանկացած պետության որակական առանձնահատկությունները. պետությունը գոյություն ունի որպես իրական ուժ, որն ունակ է իրականացնել գերագույն իշխանություն իր տարածքում և միջազգային հարաբերություններում հանդես գալ որպես ինքնիշխան անկախ կազմակերպություն։ Պետական ինքնիշխանության հարգումն արդի միջազգային իրավունքի և միջազգային հարաբերությունների հիմնարար սկզբունքներից է և ամրագրված է ՄԱԿ Կանոնադրության մեջ և միջազգային իրավական այլ ակտերում։

Գործադիր, օրենսդիր իշխանություն

Գործադիր իշխանություն պետության հասարակական իշխանության ինքնուրույն և անկախ ձևերից մեկը, որն իրենից ներկայացնում է պետական գործերը ղեկավարող լիազորություննեի ամբողջություն։ Այսպիսով գործադիր իշխանությունը պետական մարմինների համակարգ է, որն իրականացնում է այդ լիազորությունները։

«Գործադիր իշխանություն» տերմինն առաջին անգամ գործածել է անգլիացի փիլիսոփա Ջոն Լոկը, ում դրույթները մշակել է ֆրանսիացի փիլիսոփա Շառլ Լուի Մոնտեսքիոն։ 18-19-րդ դարերում գործադիր իշխանությունն իրականացրել է միապետը և նրան ենթակա պետական պաշտոնյաների համակարգը։ Ներկայումս գործադիր իշխանությունը պատկանում է կառավարությանը։ Խորհրդարանական երկրներում (խորհրդարանական միապետություն, խորհրդարանական հանրապետություն) գործադիր իշխանությունը, ըստ Սահմանադրությանպատկանում է պետության ղեկավարին (նախագահին, միապետին) և կառավարութանը, որը ղեկավարում է վարչապետը։ Նախագահական հանրապետություններում պետության և կառավարության ղեկավարն է հանդիսանում նախագահը, ով էլ իրավաբանորեն համարվում է գործադիր իշխանության միակ կրողը:

 

Օրենսդիր իշխանությունը օրենքներ ընդունելու, կատարելագործելու և բեկանելու կամ ուժը կորցրած ճանաչելու իշխանությամբ օժտված խորհրդակցական ժողով է։ Օրենսդիր իշխանության ընդունած օրենքները կոչվում են օրենսդրություն կամ կանոնադրական օրենք։ Բացի օրենսդիր գործունեությունից, օրենսդրական իշխանությունը ունի բացառիկ իրավունք բարձրացնելու կամ իջեցնելու հարկերը և ընդունել բյուջեն և այլ ֆինանսական նախագծեր։ Օրենսդիր իշխանությունները հայտնի են բազմաթիվ անուններով, որոնցից ամենատարածվածներն են պառլամենտ և կոնգրես, թեև այդ տերմինները ավելի կոնկրետ նշանակություն ունեն

Պայթեցման աշխատանքներով պայմանավորված՝ ժամանակավորապես փակ է լինելու «Թումանյան» կայարանից մինչև Օձունի խաչմերուկ ճանապարհահատվածը

news155073289372711news154988306272601m6-768x512

Վանաձոր-Ալավերդի-Վրաստանի սահման (Մ6) միջպետական ավտոճանապարհի 45-րդ կմ-ում փետրվարի 22-ին իրականացվելու են պայթեցման աշխատանքներ: Որոնց պատճառով Փետրվարի 22-ին ժամը 12:00-19:00-ն ընկած ժամանակահատվածում, «Թումանյան» կայարանից մինչև Օձունի խաչմերուկ ճանապարհահատվածը փակ է լինելու երթևեկության համար։

Պայթեցման աշխատանքներն իրականացվում են ճանապարհի վերականգնման և բարելավման համար:

 

Պատճառվող անհարմարության համար հայցում ենք երթևեկության մասնակիցների ներողամտությունը:

Նյութի աղբյուրը՝https://analitik.am/news/view/460618

ՄԱՀԱԹՄԱ ԳԱՆԴԻԻ ԿՅԱՆՔԻ 30 ՍԿԶԲՈՒՆՔՆԵՐԸ

Պատմությունը իսկապես փոխած անհատներն այնքան էլ շատ չեն: Մահաթմա Գանդին նրանցից մեկն էր՝ Հնդկաստանի ժողովրդի առաջնորդը, երկրի ազգային ազատագրական շարժման գաղափարախոսը:

Mahatma-Gandhi-1132x670

  1. Սկզբում քեզ անտեսում են, հետո ծիծաղում են քեզ վրա, հետո պայքարում են քո դեմ, իսկ հետո դու հաղթում ես:
  2. Եթե ես չունենայի հումորի զգացում, ես ինքնասպան կլինեի շատ տարիներ առաջ:
  3. «Ակն ընդ ական» սկզունքը ամբողջ աշխարհին դարձրել է կույր:
  4. Աշխարհը բավականաչափ մեծ է, որպեսզի բավարարի յուրաքանչյուր մարդու պահանջները, բայց չափազանց փոքր է, որպեսզի բավարարի մարդկային ագահությունը:
  5. Եթե դուք ուզում եք փոփոխություն ապագայում, դուք պետք է դառնաք այդ փոփոխությունը այսօր:
  6. Ներելն առավել արիություն է, քան պատժելը: Թույլը չի կարող ներել: Ներելն ուժեղի հատկանիշ է:
  7. Ամենալավ միջոցը ինքդ քեզ գտնելու համար ուրիշներին օգտակար լինելն է:
  8. Ինչ էլ որ դուք անեք կյանքում, աննշան կլինի, բայց չափազանց կարևոր է, որ դուք դա անեք:
  9. Ազատությունը ոչինչ չարժե, եթե այն իր մեջ չի պարունակում սխալվելու ազատություն:
  10. Ես միայն մեկ բռնակալ գիտեմ, և դա իմ խղճի կամացուկ ձայնն է:
  11. Ազգի մեծության և նրա բարոյական առաջընթացի մասին կարելի է դատել ըստ այն բանի, թե ինչպես է նա վերաբերվում կենդանիներին:
  12. Ինձ համար միշտ գաղտնիք է եղել, թե ինչպես են մարդիկ կարողանում հարգել իրենց իրենց՝ ստորացնելով իրենց պես այլ մարդկանց:
  13. Փոքր մարմինը, որի ներսում կա ամուր ոգի և հավատ սեփական առաքելության հանդեպ, կարող է փոխել պատմության ընթացքը:
  14. Սերը երբեք չի պահանջում, այն միշտ տալիս է: Սերը երբեք չի բողոքում և վրեժ չի լուծում:
  15. Գտիր նպատակ, և ռեսուրսները կգտնվեն:
  16. Ապրելու միակ միջոցը ուրիշներին կյանք տալն է:
  17. Ես ուշադրություն եմ դարձնում մարդկանց միայն լավ կողմերի վրա: Ես ինքս էլ անմեղ չեմ և ինձ իրավունք չեմ վերապահում ուշադրությունս սևեռել ուրիշների սխալների վրա:
  18. Այնքան էլ իմաստուն բան չէ սեփական իմաստնության մեջ համոզված լինելը: Պետք է հիշել, որ ուժեղագույնը կարող է թուլություն դրսևորել, իսկ իմաստնագույնը կարող է սխալվել:
  19. Խղճի հարցերը չեն որոշվում ձայների մեծամասնությամբ:
  20. Հաղթահարեք ատելությունը սիրով, սուտը՝ ճշմարտությամբ, բռնությունը՝ համբերությամբ:
  21. Այն, ինչ հնարավոր է մեկ մարդու համար, հնարավոր է նաև բոլորի համար:
  22. Աստված սեր է: Դա միակ ճշմարտությունն է, որը ես ընդունում եմ: Սերը հավասարազոր է Աստծուն:
  23. Ի՞նչ տարբերություն մահացածների, որբացածների ու անտուն մնացածների համար՝ ինչի համար են տեղի ունենում ավերածությունները՝ հանուն բռնապետությա՞ն, թե՞ հանուն ժողովրդավարության:
  24. Իմ համոզմունքն այսպիսին է. ոչ մի մարդ չի կորցնում իր ազատությունը այլ կերպ, քան սեփական թուլության պատճառով:
  25. Մարդը իր սեփական մտքերի արդյունքն է: Այն, ինչի մասին նա մտածում է, դա էլ դառնում է:
  26. «Ոչը»՝ ասված խորը համոզվածությամբ, ավելի լավ է քան «այո»-ն, որն ասվել է միայն ինչ-ո մեկին ուրախացնելու կամ, որ ավելի վատ է, խնդիրներից խուսափելու համար:
  27. Առանց իմ համաձայնության ոչ ոք չի կարող ինձ վնասել:
  28. Ուժը վախի բացակայության մեջ է, այլ ոչ թե մարմնի մկանների:
  29. Իրական գեղեցկությունը մարդու սրտի մաքրության մեջ է:
  30. Դուք ոչնչի չեք հասնի, եթե չսկսեք որևէ բան:

Վահան Տերյան

teryanՎահան Տերյան (իսկական անունը՝ Վահան Սուքիասի Տեր-Գրիգորյան)՝ նշանավոր հայ բանաստեղծ ու հասարակական գործիչ։ Ծնվել է 1885թ հունվարի 28-ին Ախալքալաքի Գանձա գյուղում՝ հոգեւորականի ընտանիքում։ 1897թ Տերյանը մեկնում է Թիֆլիս, ուր սովորում էին այդ ժամանակ իր ավագ եղբայրները։ Եղբայրների մոտ ապագա բանաստեղծը սովորում է ռուսերեն ու պատրաստվում ընդունվելու Մոսկվայի Լազարյան ճեմարան։ 1899թ Տերյանը ընդունվում է Լազարյան ճեմարան, ուր ծանոթանում է Ալեքսանդր Մյասնիկյանի, Պողոս Մակինցյանի, Ցոլակ Խանզադյանի եւ այլ՝ ապագայում հայտնի դարձած, անձնավորությունների հետ։ Ավարտում է Լազարյան ճեմարանը 1906թ, այնուհետեւ ընդունվում Մոսկվայի համալսարան, որից կարճ ժամանակ հետո ձեռբակալվում է հեղափոխական գործունեության համար ու նետվում Մոսկվայի Բուտիրկա բանտը։

  • Տրիոլետ  բանաստեղծության կառուցման կայուն ձև, որը բաղկացած է ութ տողից։

Տրիոլետի առաջին տողը նույնությամբ կրկնվում է իբրև չորրորդ և յոթերորդ տողեր, իսկ երկրորդ տողը՝ իբրև ութերորդ տող։ Համապատասխանաբար բանաստեղծությունը ունի ընդամենը երկու հանգ, որոնք կրկնվում են չորսական անգամ։

17-րդ դարի ֆրանսիական պոեզիայից տրիոլետի ձևն անցավ մյուս գրականություններին։ Օգտագործվել է հատկապես 20-րդ դարի սկզբի բանաստեղծների կողմից։ Հայ գրականության մեջ բազմաթիվ տրիոլետներ է ստեղծել Վահան Տերյանը:

Վահան Տերյան տրիոլետ

Հովիվներն այնտեղ կրակ են արել
Սարերի վրա- օ, անո՜ւշ հեռու.
Ձայնում են անվերջ մթնում իրարու,
Հովիվներն այնտեղ կրակ են վառել։
Ա՜խ, սիրտս թռավ աշխարհն այն հեռու,
Ուր, հի՜ն, հիչում ես, բարբառ հայրենի,
Հովիվներն այնտեղ կրակ են արել
Սարերում իմ բաց, անո՜ւշ հերու…

  • Տերյանը այս ստեղծագործության մեջ նկարագրել է իր կարոտը՝լեռների, հայրենի երկրի, մարդկանց, հարազատ բարբառի: Նա կարոտով է հիշում որ, հովիվներն արդեն կրակ են վառել, քանի որ արդեն մթնել է, և իրար ձայն են տալիս: Բանաստեղծը կարոտում է նրանց խոսք ու զրույցին, որ հնչում է այդժամ:         Նա նաև պատկերացնում է հեռվում գտնվող սարերը՝ անուշ, բաց: Այս գեղեցիկ տրիոլետը ընթերցելիս տեսնում ենք բանաստեղծի սերը հայրենիքի նկատմամբ և մեծ ցանկությունը ՝ հայրենի երկրում լինեու:

 

Չեմ դավաճանի իմ Նվարդին,
Որքան էլ դյութես, օ, Շամիրամ,
Որպես արքան այն՝ մանուկ Արան,
Չեմ դավաճանի իմ նվարդին։
Որքան փորձանք գա իմ զոհ-սրտին,
Որքան էլ փայլըդ փայե նրան,
Չեմ դավաճանի իմ Նվարդին,
Որքան էլ դյութես, օ, Շամիրամ…

      «Չեմ դավաճանի իմ Նվարդին,» բանաստեղծությունը Վ.Տերյանը գրել է Մոսկվայում, երբ ռուս մեծ գրող Մ.Գորկին առաջարկում է ստեղծագործել նաև ռուսերեն:                                                  Այս ստեղծագործությունում նա դիմում է ասորի թագուհուն՝ Շամիրամին, որ որքան էլ ինքը դյութի, միևնույն է, Արան՝ հայոց արքան, չի  դավաճանի իր Նվարթին: Դիմելով  Շամիրամին, նա ասոմ է, որ որքան էլ ես խորամանկության զոհ դառնամ, միևնույն է, չեմ դավաճանի իմ Նվարդին ու հայրենիքս հզոր ու ամուր կպահեմ:

 

 

 

Սևանա լճի հիմնախնդիրը կառավարության ծրագրում

8763cdf86030907c35e0d72a1220b1f4.0Կարավարությունը ներկայացնում է իր ծրագիրը կապված Սևանա լճի հետ, հետևյալ կետով ՝ Սևանա լճի էկոլոգիական հավասարակշռության վերականգնումը և պահպանությունը, արարատյան արտեզյան ավազանի և գետային էկոհամակարգերի պահպանությունը և կառավարումը:
Ստորև ներկայացված է Իմ Քայլը դաշինքի ծրագիրը:
Սեւանա լճի մակարդակի պահպանումը, աղտոտվածության նվազեցումը եւ ապա բարձրացումը գտնվելու է կառավարության ուշադրության կենտրոնում, ինչը նրա հարատեւության եւ կենսաբազմազանության ապահովման գրավականն է:
Ինչպես տեսնում ենք Իմ Քայլի կետում կուսակցությունը շեշտը դնում է նրա վրա, որ այս խնդիրը լինելու է կառավարության ուշադրության կենտրոնում, սակայն ուսումնասիրելով Սևանա լճի մասին տեղեկությունները նոր կառավարության օրոք, տեսնում ենք, որ այս կետերը անուշադրության են մատնված, ինչի վառ օրինակներից է ձկնորսությունը արգելված սեզոնի ժամանակ և մակարդակի զգալի իջեցումը ոռոքման պատճառով:

e4da18cee8e6da3b0ff5c9440c602e00.0